အထက်တွင် ဖော်ပြထားသကဲ့သို့ပင် အင်တာနက်နှင့် အိုင်တီနည်းပညာများမှာ နိစ္စဓူဝဘဝ၏ ကြီးမားသောအစိတ်အပိုင်း ဖြစ်လာကာ အလုပ်အကိုင်ရှာဖွေရေးအတွက် အလွန်ပင်အရေးပါလာသည်။ ယနေ့အချိန်တွင် သင်အွန်လိုင်းပေါ်ရှိနေသည့်ပုံစံသည် အလုပ်ရှင်များအတွက် သင့်အပေါ် ပထမဦးဆုံးထင်မြင်ချက်ကို ဖြစ်ပေါ်စေနိုင်သည်။ သင်၏ လူမှုကွန်ယက်၊ သင်၏အလုပ်အကိုင်ကွန်ယက်၊ သင်၏ဒစ်ဂျစ်တယ်နည်းအားဖြင့်တည်ရှိမှုတို့မှာ ဝန်ထမ်းရွေးချယ်ရာ၌ အကဲဖြတ်သည့်အချက်များထဲတွင် ပါဝင်သည်။ သို့ဖြစ်၍ လူတိုင်းမြင်နေရသည့် မိမိ၏ကိုယ်ပိုင်အမှတ်အသားနှင့်ပတ်သတ်၍ အထူးဂရုစိုက်ရမည်ဖြစ်သည်။

buying a home

မိမိသည် မည်သို့သောသူ ဖြစ်သနည်း၊ မည်သည်တို့ ဆောင်ရွက်ပေးနိုင်မည်နည်းဆိုသည်ကို သိရှိထားပါ။ မိမိ၏အွန်လိုင်းပေါ်တည်ရှိမှုကို အလုပ်ခန့်ထားသူများက အရင်ဆုံး တွေ့မြင်ရမည်ဖြစ်သဖြင့် ထိုအချက်က သင့်ထံမှ ၎င်းတို့ မည်သည့်အချက်များ မျှော်လင့်သည်ကို အဆုံးအဖြတ်ပေးမည်ဖြစ်သည်။ မိမိ၏အကျင့်စရိုက်အတွက်သာမက လုပ်ငန်းခွင်ဘဝအတွက်ပါ မိမိ၏အွန်လိုင်းပေါ်တည်ရှိမှုပုံစံနှင့် အပြင်လက်တွေ့ဘဝတည်ရှိမှုတို့ ကိုက်ညီမှုရှိထားရန်အရေးကြီးသည်။  မိမိ၏ကိုယ်ပိုင်အမှတ်အသားသည် အလုပ်ခန့်ထားနိုင်ချေရှိသူက မိမိကို အွန်လိုင်းပေါ်မှတွေ့ရှိထားသည့်ပုံစံပေါ်မူတည်၍ မျှော်လင့်ထားသည့်အချက်များနှင့် ကိုက်ညီသင့်သည်။ ထို့အပြင် မိမိ၏အားသာချက်များ၊ တိုးတက်အောင်ဆောင်ရွက်ရမည့် အရာများကို သိရှိထားပါက အကောင်းဆုံးဖြစ်သည်။

သင်၏ကိုယ်ရေးအချက်အလက်ကို တည်ဆောက်မြှင့်တင်ပါ။ အလုပ်ခန့်ထားသူများက သင်၏ လူမှုကွန်ယက်အကောင့်ကို ဦးစွာ ရှာဖွေကြမည် မဟုတ်ပေ။ ၎င်းတို့ ပထမဦးဆုံး စိတ်ဝင်စားသည့်အချက်မှာ သင့်တွင် မည်သည့် ကျွမ်းကျင်မှုနှင့် မည်သည့်အတွေ့အကြုံများ ရှိသည်ဟူသောအချက်ဖြစ်သည်။ သင့်တွင် လူမှုကွန်ယက်အကောင့်ရှိရုံဖြင့် မလုံလောက်ဘဲ အလုပ်အကိုင်အချက်အလက်များလည်း အွန်လိုင်းတွင်ရှိရန် အရေးကြီးသည်။ သင်၏လူမှုကွန်ယက်အကောင့်က သင်သည် မည်သို့သောလူမျိုးဖြစ်သည်ကို ဖော်ပြနေသဖြင့် သင့်အနေဖြင့် လူမှုကွန်ယက်ပေါ်တွင် ရေးသားချက်များ၊ မက်ဆေ့ချ်ပေးပို့မှုများ၊ မှတ်ချက်ပေးမှုများနှင့်ပတ်သတ်၍ ဂရုပြုဆောင်ရွက်သင့်သည်။

ရည်မှန်းပရိတ်သတ်အတွက် သင်ပေးလိုသည့် ပညာရှင်သတင်းစကား ဖန်တီးပါ။   မိမိ၏ကိုယ်ပိုင်အမှတ်အသားသည် မိမိလုပ်ကိုင်လိုသည့် အလုပ် သို့မဟုတ် လုပ်ငန်းကို တိုက်ရိုက်ရည်ညွှန်းဖော်ပြရန် လိုသည်။ လုပ်ငန်းနယ်ပယ်တိုင်း၊ အလုပ်တိုင်းတွင် မတူကွဲပြားသော လုပ်ထုံးလုပ်နည်းများ၊ ဆက်သွယ်ဆောင်ရွက်မှုပုံစံများ၊ လိုအပ်သည့်ကျွမ်းကျင်မှုများ၊ အသုံးအနှုန်းများရှိကြသည်။ ဥပမာ - သင့်အနေဖြင့် အိုင်တီအလုပ်တစ်ခုကို လျှောက်မည်ဆိုပါက ကုမ္ပဏီသို့ လူကိုယ်တိုင် သွားရောက်လျှောက်ထားခြင်းထက် အီးမေးလ်ဖြင့်သော်လည်းကောင်း၊ အွန်လိုင်းလျှောက်လွှာကို ဖြည့်၍သော်လည်းကောင်း လျှောက်ပါက ပိုမိုကောင်းမွန်သည်။

မိမိ အွန်လိုင်းအမှတ်အသားသစ်ကို ကွန်ယက်တည်ဆောက်ပြီး ဈေးကွက်တင်ပါ။ မိမိ၏ကိုယ်ပိုင်အမှတ်အသား မြှင့်တင်ရန် အကောင်းဆုံးနည်းမှာ ကွန်ယက်တည်ဆောက်ခြင်းဖြစ်သည်။ မိမိအကြောင်း၊ မိမိ၏ လုပ်ငန်းကျွမ်းကျင်မှု၊ အတွေ့အကြုံတို့ကို လူများ ပိုသိလာလေလေ၊ သင်နှင့်သင့်တော်မည့် ရာထူးနေရာတစ်ခုခု မြင်လျှင်၊ ကြားလျှင် သင့်ကို ပို၍ စဉ်းစားမိနိုင်လာလေဖြစ်သည်။ သင်၏ လုပ်ငန်းကျွမ်းကျင်မှုဂုဏ်သတင်း ပိုမိုတောက်ပြောင်လေလေ၊ မိမိကို လူများ ပိုမိုလေးစားလေဖြစ်ကာ အလားအလာရှိသည့် အလုပ်လျှောက်သူများထဲတွင် သင်သည် ပိုမိုထင်ရှားနေမည်ဖြစ်သည်။

မိမိ၏ကိုယ်ပိုင်အမှတ်အသားကို အချိန်နှင့်တပြေးညီဖြည့်စွက်ပါ။   မိမိ၏ကိုယ်ပိုင်အမှတ်အသားသည် တစ်သက်လုံး အမြဲမပြောင်းမလဲ တစ်ပုံစံတည်း မဖြစ်သင့်ပေ။ မိမိတွင် ကျွမ်းကျင်မှုနှင့် အတွေ့အကြုံသစ်များ တိုးလာသည့်အခါတိုင်း မိမိ၏ကိုယ်ရေးအချက်အလက်များတွင် အချိန်နှင့်တစ်ပြေးညီ ဖြည့်စွက်ထားရန်လိုသည်။ ထို့အပြင် မိမိ၏အောင်မြင်မှုများနှင့် စွမ်းဆောင်နိုင်ရည်များကို မိမိ၏အလုပ်အကိုင်ကွန်ယက်နှင့် လူမှုကွန်ယက်တို့ပေါ်တွင် ဖော်ပြထားရန်လိုအပ်သည်။ အလုပ်ရုံဆွေးနွေးပွဲများ၊ နှီးနှောဖလှယ်ပွဲများ၊ အွန်လိုင်းဖိုရမ်များနှင့် တွေ့ဆုံပွဲများသို့ တက်ရောက်ကာ လုပ်ငန်းနှင့်သက်ဆိုင်သည့် မိမိ၏ကျွမ်းကျင်မှုများကို ပြသနိုင်သည်။

ကိုယ်ရေးအကျဉ်း
သင်၏ကိုယ်ရေးအကျဉ်းသည် အလုပ်ရှင်ဖြစ်လာမည့်သူက မိမိအပေါ်အထင်ကြီးစေမည့်အရာဖြစ်သောကြောင့် ဂရုတစိုက်ပြင်ဆင်ရမည်ဖြစ်သည်။ လျှောက်ထားသည့်အလုပ်အတွက်အသုံးဝင်မည့် မိမိ၏ စွမ်းဆောင်ရည်၊ အတွေ့အကြုံ၊ လုပ်ငန်းကျွမ်းကျင်မှုအားလုံးကို ဖော်ပြထားရမည်ဖြစ်သည်။

        
  • သာလွန်ကောင်းမွန်မှု ရှိပါစေ။ မိမိ၏ကိုယ်ရေးအကျဉ်းသည် အများနှင့်မတူ တမူထူးခြားနေမှသာ အလုပ်ရှင်၏ အာရုံကို ဖမ်းစားနိုင်မည်ဖြစ်သည်။
  •     
  • သင့်လျှော်အသုံးဝင်မှုရှိပါစေ။ မိမိကျွမ်းကျင်မှု၊ အတွေ့အကြုံတို့သည် လျှောက်ထားသည့်အလုပ်အတွက် သင့်လျှော်အသုံးဝင်မှုရှိအောင် ကြိုးစားဖော်ပြပါ။
  •     
  • မိမိ အရည်အချင်းများကို ထုတ်ဖော်ပြသပါ။ မိမိ အောင်မြင်မှုများ၊ ရေရှည်ရည်မှန်းချက်များကို ထည့်သွင်းဖော်ပြပါ။ မိမိသည် ရည်မှန်းချက်ကြီးသူဖြစ်ကြောင်း အလုပ်ရှင်ကိုပြသပါ။
  •     
  • စာမျက်နှာ ၁ မျက်နှာအတွင်း ဝင်အောင် ရေးပါ။ အလုပ်ရှင်တစ်ဦးက သင်၏ကိုယ်ရေးအကျဉ်းကို ဖတ်ရန် ပျှမ်းမျှ အချိန် ၄၅ စက္ကန့်သာ ပေးမည်ဖြစ်သဖြင့် ခပ်တိုတိုနှင့် လိုရင်းကို ရေးပါ။
  •     
  • နောက်ဆုံးအခြေအနေနှင့်အညီ ပြင်ဆင်ဖြည့်စွက်ပါ။ ကိုယ်ရေးအကျဉ်းသည် တစ်သက်လုံး အမြဲ မပြောင်းမလဲ တစ်ပုံစံတည်း မဖြစ်သင့်ပေ။ မိမိတွင် အတွေ့အကြုံသစ်များ တိုးလာတိုင်း၊ ကျွမ်းကျင်မှုအသစ်များ ရရှိလာတိုင်း၊ အောင်မြင်မှု အသစ်များ ရလာတိုင်း မိမိ၏ကိုယ်ရေးအကျဉ်းထဲ၌ ဖြည့်စွက်ဖော်ပြသင့်သည်။

အလုပ်လျှောက်ထားသည့်စာ
အလုပ်လျှောက်ထားသည့်စာသည် သင်၏ စိတ်အားထက်သန်မှု၊ လုပ်ငန်းကျွမ်းကျင်ပိုင်နိုင်မှုကို ပြသသင့်သည်။ သို့မှသာ အလုပ်ရှင်ဖြစ်လာမည့်သူသည် သင်၏ကိုယ်ရေးအကျဉ်းကို ဆက်လက်ကြည့်ရှုလိုမည်ဖြစ်သည်။

        
  • အလုပ်လျှောက်ထားသည့်စာတစ်စောင် ရေးပါ။ အလုပ်ရှင်အများစုသည် အလုပ်လျှောက်ရာတွင် အလုပ်လျှောက်ထားသည့်စာသည် လိုအပ်ချက်တစ်ခုဖြစ်သည်ဟု အလုပ်ရှင်အများစုသည် ယူဆတတ်ကြသည်။ ယင်းသို့ အလုပ်ရှင်များက မယူဆလျှင်ပင် အလုပ်လျှောက်ထားသည့်စာရေးခြင်းဖြင့် သင်၏ ပညာရှင်ပီသမှုကို ပြသရာရောက်သည်။
  •     
  • ကိုယ်ရေးအကျဉ်းပါအချက်များအား ပြန်ရေးပြခြင်းမျိုးမဖြစ်ပါစေနှင့်။ အလုပ်လျှောက်ထားသည့်စာသည် သင်၏ကိုယ်ရေးအကျဉ်း၌ ဖော်ပြထားပြီးသား အကြောင်းအရာများကို ထပ်လောင်းရေးသားထားမှုမျိုး မဖြစ်သင့်ပေ။
  •     
  • မိမိ အရေးစွမ်းရည်ကို ပြသပါ။ အလုပ်လျှောက်ထားသည့်စာတွင် မှန်ကန်သော လေယူလေသိမ်းကို အသုံးပြုပြီး သေချာစွာပြန်စစ်ပါ။
  •     
  • ကိုယ့်အစွမ်းကို ကိုယ်သိပါ။ အလုပ်အတွက် သင်သည် မည်သည့်အရာများ ဆောင်ရွက်ပေးနိုင်သည်ဆိုသည်နှင့် သင်၏မည်သည့် ကျွမ်းကျင်မှုက ခန့်ထားရန် အသင့်တော်ဆုံးသူဖြစ်စေသည်ဆိုသည့် အချက်တို့ကို ထည့်သွင်းရေးသားပါ။
  •     
  • ကိန်းဂဏန်းများသုံးပါ။ အလုပ်လျှောက်ထားသည့်စာတွင် အရေးပါ၍ အသုံးဝင်မည့် ကိန်းဂဏန်းအချက်အလက်များ ပါဝင်သင့်သည်။ သို့သော် စာတစ်စောင်လုံးအပြည့် ကိန်းဂဏန်းများ ဖော်ပြခြင်းမျိုးကား မပြုလုပ်သင့်ပေ။

မျှဝေမည်